專業意見我就比唔到, 我既經驗係, 唔好話呢d旗艦級別鏡頭(我會唔會太誇張, 應該會比人插, 呢d鏡而家好似只係算入門級), 就算係比較普通級別, 求其拋個帖出黎問意見, 都係一大堆"正", "利", "好色水", "有層次感"之類既回應, , 再加上你表示"有意", 原則上支鏡你已經袋左一半落袋, 當然你個銀包亦露左一半出黎, 你錢唔錢多我唔知, 可以打呢支鏡主意, 估計少亦唔慌少得去邊
唔專業既意見可以比少少你, 可以去親自試下固然好, 我反而想你考慮下一d自身問題, 你用咩機配呢支鏡, 係咪可以比支鏡有發揮, 定係買完支鏡又要有意再買什麼什麼機, 支鏡未來既用途係咩?做d冇呢支鏡都做到既野?定係做d用左呢支鏡都唔會有太大分別既野?
我都面臨過類似處境, 不過我就好少問人專業意見, 因為我知我自己唔專業, 專業意見係比專業事情, 洗專業既錢係唔專業既事情上面, 本來就唔需要專業意見去支持, 只需要興之所至
PS: 740g一代係我手上自覺有d浪費, 但係我覺得佢係超班表現, 當年大部分人對佢既高度評價算係中肯到位, 所以如果你(或者其他師兄們)試過g2覺得真係可以比一代有明顯進步, 記得通知我一聲, 我非常期待 |