小弟都見過呢個有趣現像, 亦聽過前人分享, 我唔敢扮專家, 只將少少知道既同大家交流一下,
小弟經驗所知, 係一種日光環的現象(學術D好似叫"日暈")
(圖片轉載自HK007論壇,netzone兄07年9月11日之文章, 地點:拉薩, 所以並唔係小弟既, 特此嗚謝)
光環係由一種非常高而薄既"高積雲"加上陽光的節射而成, 由於雲太高, 雲層像冰霧一樣, 當陽光穿過之後,
光線因折射而被分散為可見光的7色, 其實效果同彩虹幾似, 唔同既只係一個係垂直(雨水), 一個係水平(冰霧),
前人指點, 因呢種雲又高又薄, 平常未必知佢既存在, 所以日光環(元氣彈)一出現, 先知道高積雲既存在,
現象每年都有, 大部份在夏天及陽光猛烈時, 不過留唔留意到...就睇你運氣同觀察力.
講就容易,要見到重要影到, 呢d先係技術同功力既表現, 剛才齋煎 兄講得啱, 如果唔識做保護措施, 唔只傷機, 仲會傷眼架,
所以一般都會搵d物件遮一遮, 而7gor兄既呢輯相, 真係真功夫, 佩服!! |